陪伴80後、90後嘅港劇童星長大喇!邊個靚咗邊個丑咗?

weiwei11     2016-11-26     檢舉

細細個睇電視見到兒童節目同劇集嘅小演員,你有冇諗過自己都去應徵下,發揮下你嘅表演欲,不過通常都光說不做,下面呢16位就唔同,你未必記得佢個名,但肯定你哋系睇佢哋嘅戲大,其實父母帶啲童星拍下劇玩下咪好囉,使乜影寫真賺錢呢?好等錢開飯?

1.成展權

廣告-請繼續往下閱讀

88年出生,曾參與《十月初五的月光》、《帝女花》等劇,不過最出名當然系佢用真名拍咗好多教育電視節目,全香港中小學生都識佢,而家佢好似喺城大讀緊學士課程!

2.成珈瑩

93年出生,佢系成展權妹妹,因為成日去睇哥哥拍劇,所以就自薦又被工作人員睇中就入咗行。曾參與《陀槍師姐III》、《天幕下的戀人》等劇同多個廣告,最為人熟讀就系喺《烈火雄心II》中飾演王喜個女紀瑤,可愛到不得了。

廣告-請繼續往下閱讀

3.張裕東

88年出生,《閃電傳真機》同《至NET小人類》鐵腳,日日見都到佢,人稱東東大師,08年起返咗TVB做配音,都敏俊、《反斗奇兵3》嘅安仔都系佢配㗎,好叻仔!

4.張國權

廣告-請繼續往下閱讀

89年出生,唔使講佢最出名當然系喺《我和殭屍有個約會》中飾演尹天照個仔況復生,幾年前報導指佢成功求婚,而家應該已經成家立室。

5.李日升

92年出生,佢由細拍劇拍到大,年資分分鐘長過好多藝員,為人熟悉嘅角色可能系《家好月圓 》裡面做少年管家仔(林峰細個),另外佢仲拍過《黑社會》、《男兒本色》等電影,同劉華、任達華、梁家輝合作過。

廣告-請繼續往下閱讀

6.丁力

88年出生,7歲開始拍劇,最出名就系做《真情》入面蔣志光個仔同埋《陀槍師姐》入面嘅樂樂,不過大個咗就冇拍喇,去咗外國讀書。嗱,佢冇拍過《上海灘》!

7.黃美棋

廣告-請繼續往下閱讀

89年出生,美棋BB唔使我多講啦,自從幾年前大學畢業後,從美國回流重出江湖後,幫HKTV拍咗多部劇集,而佢細個嘅代表作應該系《行運一條龍》入面飾演小芬女,咁多年嚟個樣都冇變。

8.陳景昆

93年出生,外號昆少,畀星探發掘入行,曾參與《男親女愛》、《智勇新警界》等劇。

9.吳諾弘

廣告-請繼續往下閱讀

99年出生,曾參與《酒店風雲》、《談情說案》、《巨輪》等劇,外號菠蘿仔嘅佢而家讀緊中學,仲會代表香港隊出戰劍擊比賽。

10.王秉熹(Jeffrey)、王樹熹(Jacky仔)兄弟

Jeffrey 95年出生,曾參與《皆大歡喜》、《大冬瓜》等劇;細佬Jacky仔98年出生,曾參與《甜孫爺爺》、《師奶兵團》等劇,兩個都好醒目,專演人細鬼大嘅角色,不過近年就少咗出鏡。

內容未完結,請點擊「第2頁」繼續瀏覽。